3أ شياء مهمة قبل موعد الولادة

اتدلعنا كتير فى أول 3 شهور 😏
وحم،قيئ،غممان نفس، رغبة فى أكل حاجات مش مفيدة.إلـخ..
وغالباً الدكتور بيسيبك على هواكِ فى أول تلت شهور، لان تغذية البيبى بتبقى غالباَ مش منك..
بداية من الشهر الرابع الأعراض دى حتبدأ تقل، ولازم يكون ليكِ نظام غذائى صحى
عشان سلامتك وسلامة البيبى

فى كتير بيقولوا أن كده كده الطفل بياخد غذاه منى حتى لو انا متغذتش كويس
ده صحيح..لكن بما اننا جيل "مفستك" فالطفل أحياناً مابيلاقيش فى جسمك الاحتياجات اللى تكفيه خاصة من الكالسيوم، ناهيكِ عن الأضرار اللى بتقع على جسمك لو الطفل سحب من المخزون منها..
عشان كده حنقول عدة اطعمة تحاولى التركيز عليها:

#السمـك..
يُفضل يكون 3مرات فى الأسبوع، وخاصة سمك "البسارية" لانه بيتاكل بشوكة فنسبة الكالسيوم فيه عالية جداً.

#اللبن..
كوبايتان فى اليوم وده على الأقل، ومش لازم أبداً نشربهم صك ممكن نضيغهم على آى حاجة بنحبها المهم حطينا كوباية اللبن فى الخلاط مع فواكة مثلاً طلعت كوباية ونص كوبايتين اشربهم ويتحسبوا كوباية لبن واحدة.

#الجبنة
 عنصر مهم للكالسيوم وممكن ننوع يعنى يوم جبنة قريش، يوم كيرى، المهم منكترش من الجبن الحادقة.

#الزبادى
ممكن تاخديها مع كوبايتين اللبن أو على الأقل تبدلى بينهم وبين اللبن

#البيض البلدى
المفروض أن ليكِ كل يوم 2 بيض بلدى، وممكن تقليهم عادى جداً، بلاش عقيدة مسلوق وشغل مسرحية جورج سيدهم ده :
#الكبدة
مرة واحدة فى الأسبوع متزوديش أبداً عن كده، وتكون بلدى أو كبد فراخ ،المجمدة مفيش منها فايدة.
#الحديد
حاولى يكون فى اكلك يومياً بتنجان،سبانخ،عسل أسود،خرشوف،بنجر،تفاح،موز ..
عشان يمد جسمك بالحديد